艺人谢霆锋日前接受TVB娱乐新闻台节目《StarTalk》主播许文轩专访，大谈创作广东新歌感受。霆锋直言从未离开过乐坛，他以煮食作比喻：「我从来冇失去对于音乐团火，只系睇吓会酝酿几耐，之前一直忙拍电影同美食嘅野，一路冇得分身，以前我系一团红火周围辣，依家系蓝火较为集中，蓝火一定热过红火，但我仲觉得自己系新人，因为我唔安于现状，想追求进步。」

对于再回香港开骚，他表示一直都想，但不想随便推出唱片或开演唱会：「因为唔想淨系集体回忆，亦唔希望交行货，希望可以喺户外做个嘉年华形式嘅骚，唔想个个坐定定睇我唱摇滚。（再开骚会唔会掟烂结他？）年青嘅时候系应该要做啲年青嘅野，只要唔系伤害人，锺意做咪做，我又唔系掟个结他落你个头度。（老实讲早年掟结他，心痛吗？）好心痛！通常都系结他走音，或者耳机有啲躁音而影响发洩。有样野好笑，每一支畀我破坏嘅结他，完骚后我会走番出个台度执，将啲尸骸执番落个盒，我仲有keep住嗰啲烂晒嘅结他，望番佢地一整晚系有后悔同慨叹！」

至于因工作四海为家的他，问到可有感到疲累时，他笑言反而很享受这种攰：「因为我锺意呢份工作，你唔锺意好难做到廿几年。如果你问我边度最舒服，我会答喺飞机上最舒服，虽然得一个窗口同一份飞机餐，但已成为我最有归属感嘅地方，因为我喺飞机花嘅时间已经超越左我喺屋企花嘅时间，而且嗰度有最私人嘅空间。如果我喺香港同北京会有好多人搵我，但喺飞机上就冇人搞我，佢地会畀我休息，我可以做自己锺意嘅事。」